Þú veist ég þrái .... að slá í gegn!

Nú er sumarið gengið í garð ,ég elska sumarið þó svo að það komi ekki sól. Auðvitað hata ég ekki þessa yndislegu sólardaga enn samt er eitthvað við sumarið sem ég bara hreinlega elska, og ég veit að ég er ekki ein um þetta það elska nu frekar margir íslendingar sumarið því það eru nú aðeins 3 mánuðir á ári þar sem nagladekkin og ullasokkarnir fara á hilluna.
Sumarið hjá mér verður vonandi eitthvað meira enn síðasta sumar, þó að síðasta sumar hafi verið ágætt enn við fórum ekki mikið.
Þetta sumar ætlum við að fara hringinn í kringum landið sem ég hef aldrei gert áður svo ég er að kafna úr spenningi, fer á ættarmót, kiki eitthvað vestur í sveitina til tengdó og til pabba og hitta bræður mína flottu, jökulsálón hátíðin er svo í ágúst og svo er auðvitað vinur minn hann Justin Timberlake að spila 24.ágúst ég missi auðvitað ekki af því :D .
Enn svo er barnið mitt 3 ára 29.Ágúst!!!!!!!!
Þetta er svo fljótt að líða! :)

Ég hef ekki verið dugleg að drita hérna inn þar sem líf mitt er ekki frásögufærandi alla daga ,
enn ég get samt sem áður deilt því með ykkur að ég fór á leiktæknskóla í apríl sem var þvílík snilld.
Ég hef alltaf haft leiklistina bakvið eyrað enn bara ekki haft trú á mér að ég geti það , eftir 2 tíma í þessum skóla öðlaðist ég trú á sjálfri mér. Ég fór strax að heilastorma mig og hugsa alla möguleika til að komast nær því að verða leikkona, svo já ég get loksins svarað spurninguni "hvað langar þig að verða þegar þú ert orðin "stór?" ... Leikkona er svarið!
Ég sótti um í skóla í haust til að reyna að komast nær þessu markmiði en auðvitað fékk ég eina ferðina enn "hafnað" á umsóknina mína 5.skiptið í röð. Þá varð êg heiftarlega reið og hringdi upp í skólann og fékk viðtal hjá námsráðgjafa, hún varð alveg miður sín og ætlar að gera allt sem að í henni valdi stendur til að koma mér að í skólanum svo ég geti nú komist í Lhí eða Kvikmyndaskólann fyrir þrítugt.
Er ótrúlega spennt fyrir sumrinu, haustinu og líka vetrinum þar sem það stendur til að fara til Dubai!
Allt að gerast!


...
Unnur að slá í gegn

! :)

Ebay Föstudagur!

Stundum tek ég upp á því að skoða ebay og amazon til að sjá hvort augað finni ekki eitthvað rosalega mikilvægt sem ég bara "VERÐ" að eignast. 

Skemmtilegt nokk , ég lenti á ansi sérstökum hlutum sem mig langar að deila hérna með ykkur. 

Flæktist þessi í fiskenetinu ?

????

Ekki fyrir mig. . 

Læt þetta flakka með en þetta er eitthvað sem ég ætla að eignast í eldhusið mitt, Avakado Slizer. Algjör snilld fyrir þá sem nota mikið Avakado. 

Eynhyrningstaska 7USD. Myndi maður? Já kanski fyrir grímuball. ;)

Hverju ætlaru að koma í þetta veski?, einum 500 kalli brotin 5x saman? 10USD

Ég viðurkenni að þessi er kanski alveg svolitið cool , en samt ég myndi ekki fyrir mitt litla líf vera með hana á mér.

Ekki varð það fleira í þetta skiptið.

Verið heil , verið sæl og ekki gleyma allir eiga að vera vinir. 

Kv.
Unnur 

Engill á himnum!

Miðvikudaginn 9.apríl gerðist nokkuð sem virkilega braut í mér hjartað og skilur eftir sig far í sálinni. 
Við misstum yndislega sál frá okkur, hann Óli Freyr frændi minn aðeins 26 ára gamall að verða 27 í september. 
Finnst ótrúlega erfitt að skrifa um þetta án þess að bresta í grát en ég held ég hafi ótrulega gott af því að tjá mig um þessa sorg.
Ég og Óli vorum ekki neitt sérstaklega náin , enn þekktumst samt sem áður og töluðumst annað slagið við, snapchat "spjöllin" urðu fleiri og fleiri og alveg yndislegt hvað hann fann alltaf tíma til að hrósa manni.
Þykir svo ótrúlega vænt um þenna dreng og á ekki til orð um það lýst hversu mikið ég á eftir að sakna hans :(
Móðir hans & fjölskylda eru svo ótrúlegar hetjur og votta ég þeim alla mína samúð og mínar bænir liggja til þeirra <3
Ákvað að skrifa smá bréf til hans Óla og deila því hérna með ykkur til minningar hans...

Elsku gordjöss Óli,
Þú varst svo frábær strákur, vildi að ég hefði gefið mér meiri tíma með þér.
Ef ég hefði fengið aðeins að hafa þig lifandi í 5 mínutur í viðbót hefði ég sagt þér hversu stolt ég væri af þér,
elsku stóri frændi mér þykir vænt um þig, þú varst engill á jörðu og ert nú kominn í þitt eigið himnaríki.
þú varst svo góður, duglegur að hrósa öllu sem þú sást og þú lést ekki vaða yfir þig.
Fannst alltaf svo gaman að fá snapchat frá þér þar sem þú sagðist elska lífið , hrósaðir mér, fannst allt svo frábært. 
Það birti oft fyrir mér svörtum degi!
Ég sakna þín strax, þú munt alltaf eiga stað í hjarta mínu. ;*

Kær kveðja
Unnur Edda litla frænka!

Matarblogg - ungversk gúllassúpa - *myfav*

Ég eldaði Ungverska Gullassúpu í kvöld , fann þessa uppskrift á netinu og hef haft hana nokkrum sinnum og ég er einfaldlega sársjúk í hana.
Ég elska að prufa eitthvað nýtt í matargerð og sérstaklega þegar það heppnast sem gerist nánast alltaf. Er farin að halda að Halldór sé bara haldinn matarást á mér og þessvegna se hann með mér ;) haha!
Enn langaði engu að síður að deila þessari uppskrift með ykkur, og mæli með henni!
Ég læt líka fylgja með ótrúlega gott brauð sem ég fann inn á www.evalaufeykjaran.com , hún er algjör snillingur og mikið af mínum innblæstri og matargerð kemur frá henni. Lovher. <3

500 gr nautagúllas
400 gr bökunarkartöflu
200 gr gulrætur
200 gr paprika
200 gr laukur
4 hvítlauksgeirar
800 ml maukaðir tómatar í dós
400ml vatn
1 tsk kúmen
2 tsk ungverskt papriku duft (ég nota bara venjulegt papriku duft)
2-3 nautateningar
Salt&pipar
Olía til steikingar

Aðferð:Kjötið er brúnað á pönnu, kryddað og sett í pott með vatninu, ásamt kjötkrafti. Tættum niðursoðnum tómötum og vatninu er bætt í pottinn og látið sjóða rólega. Skerið lauk, gulrætur og paprika í litla teninga og brúnið létt í olíu á pönnu. Bætið saman við ásamt kúmeni og söxuðum hvítlauk. Látið sjóða rólega í klukkustund eða þartil kjötið er orðið meirt undir tönn. Afhýðið kartöflurnar og skerið hráar í litla teninga. Sjóðið í lettsöltuðu vatni. Sigtið vatnið frá og setjið kartöflurnar saman við gúllasið rétt áður en hún er borinn fram. Stráið steinselju yfir og framreiðið með sýrðum rjóma og góðu brauði. (Eg sleppi sýrðarjómanum, enn eg set duglega af steinseljuni bara beint i skálina)



Hvítlauksostabrauð:Sker skorpuna af samlokubrauði, strái rifnum ost yfir og hvitlauksolíu.Smá salt & pipar og hvitlauksduft. Svo i ofninn við 180•C þar til osturinn er orðinn gullnaður.(Alveg ljúfmeti með öllum súpum)

Þetta eru kryddin sem ég nota, maldon saltið gerir kraftaverk.

Steiki allt sér.

Namm nauuut!

Ef að heimilið er ekki farið að lykta af miklum unaði á þessum tímapunkti eruði að gera eitthvað vitlaust.

Kartöflur soðnar...

Svo er ekki verra að fá svona aðstoðar kokk :-)

Algjört yndi.

Sjúkt!!!!!!

Takk fyrir mig. <3
Verði ykkur að góðu.

-Unnur

Kæru Íslensku hundaeigendur ATH!

Alls ekki hugguleg mynd, enn finnst nauðsynlegt að þessu sé brýtn fyrir hundaeigendum því fátt er ógeðslegra enn að stíga í hundaskít.

Ég er núna byrjuð að reyna að labba sem mest ef veður leyfir , og labba lengri leiðir til að ég stirni ekki öll upp eins og Solla Stirða hérna heima á verkjadögum.
Það er ekkert leiðinlegra enn að fara ut að labba alein, en engu að síður á sama tíma er það algjört æði í góðu fersku veðri með timberleikinn í eyranu.
Seinustu 3 skipti sem ég hef farið út að labba hef ég tekið augljóslega eftir einum tilteknum hlut sem að hundaeigendur þurfa að taka virkilega til sín, þegar hundurinn þinn kúkar þá skaltu ÞRÍFA ÞAÐ UPP!!!
Það er fátt ógeðslegra enn að stíga í hundaskít, lyktin er alveg hrein viðbjóður og þetta festist undir skónum. Tala nú ekki um þegar þetta er á miðjum göngustíg sem ég hef ítrekað lent í.
Þetta er svona svipað eins og ég fari að skilja eftir kúkableyjur sonar míns á gólfinu um alla íbúð og fá svo fólk í heimsókn.
Mér til mikillar ánægju þegar eg fór síðast út að labba með frumburðinn þá var strákurinn minn á fullri ferð enn snar bremsaði aðeins 2 1/2 árs gamall og sá hundaskít á miðjum göngustíg og sagði "OJJJJJJ KÚKUR".
Að ómálga barn skuli virkilega vita að þetta er ógeðslegt segjir mér að fullorðin hundaeigandi ætti svo sannarlega að hafa vit í kollinum að taka upp skítinn eftir dýrið sitt.


Segji ekki meir, takk fyrir mig í bili.

Unnur.

2014 - Gera betur, verða betri & mögulega best.

Vertu sæll kæri lesandi, alltaf finnst mér jafn erfitt að hefja fyrstu orð í bloggfærslum.
Svo mér finnst oftast viðeigandi og kurteist að heilsa viðkomandi sem les "blaðrið" í mér sem ég pikka á tölvuskrattann sem stendur stundum á sér eins og fíll á kviðnum á mér.
2014 verður merkis ár hjá mér, ég hef eins og margir vita átt frekar erfiðið tímabil inn á milli sem hafa gert mig að þeirri manneskju sem ég er í dag, nánast í orðsins fyllstu merkingu "krypplingur", ég er með heilsu á við áttræða konu útaf áföllum fortíðar og áreiti.
Nú verður blaðinu snúið við og ekki litið um öxl, fortíðin kemur alltaf og bítur mig í rassinn svo fast að ég orga og væli stundum upp í rúmi og læt vorkenna mér því akkurat þá stundina virðist það vera það eina í stöðuni! 

Enn nú verður þetta ekki þannig. Því að nú hef ég tekið þá ákvörðun að vinna 100% í sjálfri mér og þrífa burt allann óþarfa skít og óþverra í burtu frá mér, ef þér líkar ekki við mig hættu þá að nota mig , ef þú vilt ekki vera vinur minn hættu þá að láta þannig , ef þig langar ekki að koma að heimsækja mig ekki segjast ætla að gera það.
Ég fór í Þraut sem er vefjagigtarsetur, ég mæli eindregið með því fyrir vefjagigtarsjúklinga.
Ég fór í alsherjar greiningu þar sem það byrjað á að ég mætti og fyllti út 34 bls spurningarlista um allt á milli himins og jarðar um heilsuna og fortíð. Seinni daginn var settur á mig púlsmælir, ég hjólaði, ég stóð á einni löpp, ég labbaði á staðnum, ég talaði, ég lá og lét pota í mig. Ég var með öðrum orðum eins og tilrauna rotta enn að sjálfsögðu meina ég það ekki illa, þetta ferli tók 4 og 1/2 klukkutíma án pásu.
Hitti sjúkraþjálfa, sálfræðing og gigtarlæknir.
Svo er það síðasta heimsóknin í greiningarferlinu og þá fær maður niðurstöðurnar, við vorum nokkuð mörg þarna sem mættum og ég var sú eina sem þurfti að hitta alla þrjá aftur!
Niðurstöðurnar komu mér svo sannarlega á óvart, þetta sló mig eins og þruma úr heiðskýrulofti. Mig svimaði af öllu því sem ég fékk að vita um mig enn leið auðvitað vel vitandi það að ég var ekki að ýminda mér neitt eins og margir halda að vefjagigt er.

Í ljós kom að ég væri með of háann hvíldarpúls sem er útaf gigtinni, taugakerfið virkar ekki rétt og segja þau að það sé þá t.d ástæðan fyrir því að ég sé svona þreytt við minnstu áreynslu á líkamann,
Ég var með 16 af 18 kvikpunktum vefjagigtar sem er vel yfir meðallag, ég var með of lélegann gripkraft í höndum, lélegt jafnvægi, heilaþoku á hæðsta stigi sem þýðir að skammtímaminnið er í molum, ég er með slæma félagsfælni og áfallastreituröskun, verulega slæma grindarskekkju sem gæti hafa skekkst annað hvort á meðgöngu eða í bílslysi.
Meðal manneskja með vefjagigt skorar svona 40-50 stig af 100, ég fékk 76.
Ég er áttræð!!
Enn þau sögðu mér öll að nú fer vinnumarkaðurinn á hilluna , og endurhæfing tekur við út árið því að ef ég geri ekki eitthvað í þessu núna eru yfirgnæfandi miklar líkur á að ég endi sem fullur öryrki.
Svo framundan er sjúkraþjálfun af krafti, sálfræðimeðferð, geðlæknamat(verulega erfitt að skrifa það niður enn ég viðurkenni það ég verð víst að fara til geðlæknis), endurhæfingarprogram, sækja um endurhæfingarlífeyri og bara vera sterk sterk sterk!!!
Ég er verulega ánægð að eftir öll þessi ár af endalausu máttleysi, þreytu, vanlíðan, stirrðleika, getuleysi til að vinna eða stunda skóla sé loksins ekki bara aumingjaskapur!!!

Þakka ykkur innilega fyrir að lesa , og ég reyni eins og ég get að hætta þessu "áttræðissjúkdóma"tali :)



Verið heil , verið sæl
Takk og bless.

Unnur <3

-You may have to fight a battle more than once to win it-

Óheiðarleiki og frekja = Sannur íslendingur

Eitthvað hefur maður tekið eftir örgustu frekju og óheiðarleika fólks á íslandi og það sem verra er lent í þeim aðstæðum að maður brennir sig eða lætur frekju fólks verða annað hvort fyrir vegi manns eða gjörsamlega skemma fyrir manni daginn.

Ég fór til Boston um miðjann janúar að versla og skemmta mér með mínum yndislega manni og þar sem okkur þykir ótrúlega vænt um bílinn okkar ákváðum við að setja hann á bílahótel í Keflavík þar sem allt er tryggt frá því að við látum hann frá okkur til afhendingar lykla. 

Þegar við komum til baka eftir 6 tíma flug og langt ferðalag þá erum við stoppuð í tollinum og þar tekur á móti okkur stelpa sem biður okkur vinsamlegast um að setja töskurnar í gegnum rampinn, við vorum með 2 töskur og eina Canon 600D myndavél sem við keyptum í byrjun nóvember. 

Eina sem hún virtist sjá var myndavélin og tók hana strax upp og fór að gramsa í myndavélatöskuni á meðan hún grúfði sig niður ofaní töskuna spurði hún hvar við hefðum keypt hana, í elko sögðum við. 

Svörin og derringurinn sem kom á móti var alveg hreint með ólíkindum, kærasti minn sagði þeim að þeir gætu örugglega flett því upp hjá elko og hún sagði "Já gerðu það þá". Klukkan var 7 á föstudagsmorgni, svo hvernig gat hann gert það? Svo sá hún símann hans og símann minn sem voru samsung galaxy og iphone og hun byrjaði líka að snúa sér að þeim. 

Og vegna þess að við áttum 2 flotta síma, myndavél og við fórum til Boston þá ákvað hún að segja með alveg hreint svo leiðinlegum tón að mér leið eins og ég væri annar hver hundaskítur undir skónum hennar.

"Hvahh, voruði að vinna í lottóinu eða??!" , þá fauk í mig eftir allt sem hún lét út úr sér og hvernig hún talaði til okkar gafst ég undan og sagði "Það bara kemur þér alls ekki við". Enn sem betur fer "tók hún okkur á orðinu" eins og hún orðaði það og sleppti okkur. 

Þegar heim var komið sáust rispur á farþegahurðinni. 

Þá hafði einhver rekið farangurskerru utan í bílinn okkar og ekki tilkynnt það! 

Hér að ofan Óheiðarleiki & Dónaskapur sem íslendingar virðast vera ótrúlega góðir í samkvæmt minni reynslu, enn það sem íslendingar eru ríkastir af eru þessar "snobbuðu frekjur".
 

Við lentum einmitt í einni slíkri í dag í IKEA, það voru 2 kassar opnir og röðin orðin ansi þétt þegar loksins eftir að við vorum búin að standa þarna í 10-15 mín opnaðist loksins annar kassi og við vorum eiginlega næst. Maðurinn fyrir framan okkur bauð okkur að fara að næsta kassa þar sem hann var með það mikið að hann gat ekki hreyfti sig frá röðinni. Þegar við komum að kassanum kemur eldri snobbuð kona tómhent og riðst á undan (hún var ekki í röðinni) og veifar höndunum og segjir "komiði hingað fljót" og koma þá 2 einstaklingar með 2 fullar körfur. 

Kærasti minn hélt nú ekki og sagði "Fyrirgefðu enn ég er næstur" , hún horfði á hann ekkert smá hneiksluð og hann bara tróð sér framhjá henni og byrjaði að setja vörur á kassann. 

Á meðan afgreiðslustúlkan skannaði okkar örfáu vörur inn í kassann segjir hún hátt og skýrt við manninn sinn stút full af hroka  "Þetta er nú meiri djöfulsins frekjan", svo kærasti minn segjir við hana "Heyrðu vina, það er röð hérna og við vorum búin að standa þarna í dágóða stund og við vorum næst. Það þýðir ekkert að troða sér svona framfyrir fólk. Ef eitthvað er þá er það frekja". 

Það sást heldur betur á konu "greyjinu" að henni er aldrei svarað því hún horfði á hann eins og hún hafi séð draug. 

Ein af útsýni okkar frá hótelherberginu okkar í Boston. 

Takk fyrir að lesa, lifið heil þangað til næst.

-Unnur